ನನ್ನ ಇಂಜಿನಿಯರಿಂಗ್ ಕಾಲೇಜು

ನನ್ನ ಕಾಲೇಜು ಇದು ನನ್ನ ಕಾಲೇಜು   
ನನ್ನ ಮಂದಿ ಇವರು ನನ್ನ ಕಾಲೇಜು ಮಂದಿ

ಒಳಹೊಕ್ಕಿದಲಿ ಕೇಂದ್ರಬಿಂದುವಾದ ಮೆಕ್ಯಾನಿಕಲ್ ಮಂದಿ    
ಅನುದಿನ ಕಾಲೇಜ್ ಬೆಡಗಿಯರ ಹಿಂದೀ    
ಇದ್ದೊರ್ ಮಾತ್ರ ಮೂರೇ ಮಂದಿ  .

ರವಾನೆಯಾದಲ್ಲಿ ಮಾಹಿತಿ ತಂತ್ರಜ್ಞಾನದ ಮಂದಿ
ನಿತ್ಯವೂ ಅಯ್ಯಪ್ಪಸ್ವಾಮಿ ಮೆಟ್ಟಿಲ ಮುಂದಿ
ಅನ್ವೇಷಣೆಯಲ್ಲಿ ,ಮೋಜು-ಮಸ್ತಿಗಾಗಿ ಸಂದಿ-ಗೊಂದಿ .

ಎದುರಲ್ಲಿ ಬೆನ್ನನೆಳುಬಾದ ಸಿವಿಲ್ ಮಂದಿ     

ಧರಿಸುತಿದ್ದರು ಸದಾ ಕಾಕಿ ಅಂಗಿ   

ಕೇಳಿದಲ್ಲಿ ಉತ್ತರಿಸುತ್ತಿದ್ದರು  ನಾವೀಗ ಸರ್ವೆ ಹಿಂದೀ .

ಪ್ರತ್ಯೇಕವಾದ ಕಟ್ಟಡವಿಲ್ಲದ ಗಣಕ ತಂತ್ರಜ್ಞಾನದ ಮಂದಿ      

ಬಲು ಐನಾತಿ ಮಂದಿ        

ಹುಡುಗಿಯರ ಕಣಜವೇ ಹೊಂದಿದ್ದ ಏಕೈಕ ಮಂದಿ      

ಹಿಂಡು-ಹಿಂಡು ಹುಡುಗ್ರು ಇವ್ರ್ ಹಿಂದೀ .

ಸದ್ದಿಲ್ಲದ ಎಲೆಕ್ಟ್ರಿಕಲ್ ಮಂದಿ            

ಪ್ರತ್ಯಕ್ಷವಾಗುತ್ತಿದ್ದರು ಪಾರ್ಕ್-ಬೇಕರಿ ಮುಂದಿ   
ಸುತ್ತುತ್ತಿದ್ದರು ಅನ್ಯರ ಹಿಂದೀ .

ಓದಿಗೆ ಹೆಸರಾದ ಎಲೆಕ್ಟ್ರಾನಿಕ್ಸ್ ಮಂದಿ      

ಎಂದೆಂದಿಗೂ ಮೇಸ್ಟ್ರು ಮೇಡಂಗಳ ಹಿಂದೀ     

ಕಡೆಗೆ ಕಂಪನಿಗಳಿಗೆ ಪ್ಲೇಸ್ ಆದದ್ದು ಹತ್ತೇ ಮಂದಿ  .

ನಮ್ಮ ಆಟೋಮೊಬೈಲ್ ಮಂದಿ     

ಏನ್ನನಾದರು ಹೊಸದನ್ನು ತಡಕುವ ಮಂದಿ

ಎನ್ವಿರಾನ್ಮೆಂಟಲ್ ಮಂದಿ     

ಹಸಿರ ಉಳಿಸಲು ತುಡಿಯುವ ಮಂದಿ

ಕಡೆಯದಾಗಿ industrial production ಮಂದಿ    

ಆಟಕ್ಕೂ ಬಾರದ ಲೆಕ್ಕಕ್ಕೂ ಸಿಗದ ಅಪರೂಪದ ಮಂದಿ .

ನನ್ನ ಮಂದಿ ಇವರು ನನ್ನ ಕಾಲೇಜು ಮಂದಿ     

ನನ್ನ ಕಾಲೇಜು ಇದು ನನ್ನ ಕಾಲೇಜು      

ಯಾರಿಗೂ ಭೇದ ಭಾವ ಮಾಡದ ಕಾಲೇಜು     

ಎಲ್ಲರಿಗೂ ಡಿಗ್ರಿ ನೀಡಿದ ಕಾಲೇಜು    

ಪುಸ್ತಕವಿಲ್ಲದ ಬದುಕಿಗೂ ಪಾಠ ಹೇಳಿದ ಕಾಲೇಜು   

ನನ್ನ ಕಾಲೇಜು ಇದು ನನ್ನ ಇಂಜಿನಿಯರಿಂಗ್ ಕಾಲೇಜು .

ನನ್ನವಳು ಅವಳು ನನ್ನವಳು

ಸಿಂಧೂರ ಮೂಗುತಿ ಬೆಂಡೋಲೆ ಕಾಣದವಳು
ಶರ್ಟ್ ಪ್ಯಾಂಟ್ ದರಿಸಿದವಳು
ಗಾಳಿಗೆ ರೇಶಿಮೆ ಕೂದಲ ಬಿಟ್ಟಿರುವವಳು
ಗೋರಂಟಿಯ  ಲೇಪಿಸಿದ ಕೈಗಲ್ಲಿ   

ಒಂದಕ್ಕೆ ರಿಬ್ಬೊನ್ ಮತ್ತೊಂದಕ್ಕೆ ಗಡಿಯಾರ ಧರಿಸಿ   
ಕಣ್ಣಿಗೆ ಕಾಡಿಗೆ ತುಟಿಗೆ ಲಿಪಸ್ಸ್ತಿಕ್ಕ್
ಕೆಂಪಾದ ಮುದ್ದು ಮುಖದವಳು

ಅಂಕು ಡೊಂಕಾದ ಉಬ್ಬಿನವಳು
ನನ್ನ ಬಳಿ ಸುಳಿದಳವಳು  ಬಸ್ಸಿನಲ್ಲಿ
ನನ್ನವಳು ಅವಳು ನನ್ನವಳು .

ಮಲೆನಾಡ ಹೆಣ್ಣವಳು
ಮೊಬೈಲಿನಲ್ಲಿ ಪಿಸುಗುಡುತಿರುವಳು
ಆಂಗ್ಲ ಭಾಷೆಯಲ್ಲಿ
ಎಲ್ಲರು ಅವಳತ್ತ ನೋಡುತಿರಲು
ಅವಳು ನನ್ನತ್ತ ಸನ್ನೆಮಾಡುತಿರಲು
ನಿಮ್ಮ ಮೊಬೈಲ್ ಕೆಳಗೆ ಬಿದ್ದಿರುವುದು ಎಂದು ,
ಅರಿವೇ ಇಲ್ಲದೆ ಕೂತಿರಲು ನಾನು  
ಅವಳ ತಿವಿತಕ್ಕೆ ಬೆಚ್ಚಿದೆ ನಾನು
ನನ್ನವಳು ಅವಳು ನನ್ನವಳು .

ನೋಡುತಲಿ ಸುಳಿದಳು ಆಚೆಗವಳು
ಅದುವೇ ನನ್ನ ಸ್ಟಾಪಿನಲ್ಲಿ
ನಾ ಮುಂದು ಅವಳು ಹಿಂದು
ಹಿಂಬಾಲಿಸಲು
ಮಂಕಾಗಿ ನಿಂತೆ ಮರದ ನೆರಳಿನಲಿ
ಈಗ ನಾ ಅವಳ ಹಿಂದೆ
ಸಾಗುತಿಹುದು ದಾರಿ ನಮ್ಮಟ್ಟಿಯತ್ತ
ಒಂದೆಡೆ ದಿಗಿಲು ಮತ್ತೊಂದ್ದೆಡೆ ಹರುಷ
ಮನದಲಿ ಆಗುತಿರಲು
ತೆರೆದಳು ಗೇಟ್ಅ ನಮ್ಮಟ್ಟಿಯದ
ನಡೆದಳು ಅತ್ತಿ ಮೆಟ್ಟಿಲ ರಾಣಿಯಂತೆ
ನೋಡುತಲಿ ನಿಂತೆ ಅವಳ ನಡುವ
ಅಲ್ಲೇ ಗೇಟಿನಲಿ  ಅಲ್ಲೇ ಗೇಟಿನಲಿ
ನನ್ನ ಸನಿಹಕೆ ಬಂದಳವಳು
ನನ್ನವಳು ಅವಳು ನನ್ನವಳು .

ಒಳಬಂದು ಅಮ್ಮನ ಕೇಳುತಲಿ
ಅವಳು ಮನೆಯ ಮಾಲಿಕನ ಮಗಳು ಎನ್ನುತಲಿ
ಕುಣಿದಾಡಿದೆ ಮನೆಯ ಅಂಗಳದಲಿ
ನನ್ನವಳು ಅವಳು ನನ್ನವಳು ಎಂದು
ನನ್ನವಳು ಅವಳು ನನ್ನವಳು ಎಂದು .

ಅಭ್ರದೊಳಗೆ

ಮಣ್ಣಿನ ವಾಸನೆ ಗಗನಚುಂಬಿ  
ಗಗನಕುಸುಮ ದರೆಗಿಳಿದು
ತನ್ನನ್ನು ತಾನೇ ಅರ್ಪಿಸಿಕೊಂಡು
ಕ್ಷೀರ ಸಾಗರದಂತೆ ಉಕ್ಕರಿದು
ಶಿಥಿಲವಾದದಕ್ಕೆ ಜೀವ ತುಂಬಿ
ಎಲ್ಲವನ್ನು ತಂಪಾಗಿಸಿದ ಕ್ಷಣ
ಯಾರಿಗೂ ಕಾಣದೆ ಮರೆಯಾದಳು
ಅಭ್ರದೊಳಗೆ ಆಯಾಗಿ ವಿರಮಿಸಿದಳು .

ತಂಗಾಳಿ ಎಲ್ಲೆಲ್ಲೂ ಹರಡುತ್ತಾ

ಹಕ್ಕಿ-ಪಕ್ಷಿಗಳ ಚಿಲಿಪಿಲಿನಾದದಲಿ

ಮಕ್ಕಳು ಕುಣಿದಾಡುವ ಹೊತ್ತಲ್ಲಿ

ಮನಸ್ಸನ್ನು ಬೆಚ್ಚಗಾಗಿಸಲು 

ಟೀ-ಕಾಫಿ ಅರಸುತ್ತಾ ಬಂದ ತರುಣ

ಗಗನ - ಕುಸುಮಳನ್ನು ನೋಡಿ 

ಯಾರಿಗೂ ತಿಳಿಯದ ಹಾಗೆ ಪ್ರೀತಿಸಿದರು 

ಮಳೆಯ ಮರೆಯಲ್ಲಿ ಟೀ ಸವಿದರು .

ಬೇಗೆಗೆ ಬಾಡಿದ ಬಳ್ಳಿಯು

ಗಗನಕುಸುಮಳ ಚುಂಬನಕ್ಕೆ ಸಂತಸಗೊಂಡು

ಹಸಿರ - ಉಸಿರು ಸುಳಿದಾಡಿ

ಮುತ್ತಂತೆ ಕಂಗೊಳಿಸಿ 

ಎಲ್ಲರನ್ನು ತನ್ನತ್ತ ಆಕರ್ಷಿಸಿಕೊಂಡು 

ತನ್ನನ್ನು ತಾನು ದೃಢಗೊಳಿಸಿಕೊಳ್ಳಲು

ನೆರವಾದ ,ಗಗನಕುಸುಮಕ್ಕೆ

ನುಡಿದ ಧನ್ಯವಾದಗಳು ಯಾರಿಗೂ ಕೇಳಿಸಲಿಲ್ಲ

ಗಾಳಿಯು ಅವಳತ್ತ ಒತ್ಹ್ಯೋಳಲಿಲ್ಲ .

ಗಗನಕುಸುಮವೇ ಹೆಣ್ಣಾಗಿ

ಶಿಥಿಲವಾದ ಮನಸ್ಸಿಗೆ ಜೀವತುಂಬಿ

ಕುಣಿದಾಡುವ ಮಕ್ಕಳ ಎತ್ತಿ

ಅವರ ಪ್ರೀತಿಯನ್ನು ಅರಸುತ್ತಾ ಹೊರೆಟು

ಬದುಕು ಹಸನಾಗುವ ಗಳಿಗೆಯಲಿ

ಯಾರಿಗೂ ಹೇಳದೆ ಮರೆಯಾಗಿ

ಇರುಳ ಆಗಸದಲ್ಲಿ ಚುಕ್ಕಿಯಾಗುವಳು

ಅಭ್ರದ ಮರೆಯಲ್ಲಿ ಮರೆಯಾಗುವಳು .

ಪ್ರೀತಿ

ನಾನು ಪ್ರೀತಿಯನ್ನು ಕಂಡ ಗಳಿಗೆ ,

ನಿನ್ನ ಹೆಸರ ಜಪಿಸುತಲಿ

ಈ ಹೃದಯ ಜೀವಿಸುತಿದೆ ....

ಮಂಪರು ಕಾಣದ ಮಧ್ಯದಹಾಗೆ  

ನನ್ನನು ಸೇರು ನನ್ನೊಲವೇ ....

ಮೊಜನು ನೀಡುವ ಗುಡುಗುಡಿಯದಹಾಗೆ

ನನ್ನನು ಆವರಿಸು ನನ್ನೊಡತಿ ....

ಪ್ರಶ್ನೆಯೇ ಮೂಡದ ಬದುಕಿನಲ್ಲಿ

ನಿನ್ನ ಪ್ರೇಮ ಉತ್ತರವಾಗಿದೆ ....

ನಿನ್ನ ಕಂಡ ಕಣ್ಣುಗಳು

ರೆಪ್ಪೆಯ ಬಡಿತದಲ್ಲಿ ಕುಣಿಯುತಿದೆ ....

ಚಿಪ್ಪಿನೊಳಗಿನ ಮುತ್ತಿನಂತೆ

ಹೃದಯದಲ್ಲಿ ಪ್ರೀತಿ ಆವರಿಸಿದೆ ....

ಪ್ರೀತಿಯು ನನ್ನನು ತೊರೆದ ಹೊತ್ತು ,

ಬಡಿತವೆ ನಿಂತ ಹೃದಯದಹೊಳಗೆ

ನಿನ್ನದೆ ಹೆಸರ ಜಪಿಸುತಿದೆ ....

ಬರಿದಾದ  ಮಧುಪಾನದ ಶಿಶೆಯೂ

ಮಂಪರನು ನೋಡಿ ನಗುತಲಿದೆ ....

ಗುಡುಗುಡಿಯ ಸುಟ್ಟ ಕೆಂಡವು

ಮೊಜನು ಕಾಣದೆ ಉರಿಯುತಿದೆ ....

ಹೊಸ್ತಿಲಲ್ಲಿ ನಿಂತ ಪ್ರಶ್ನೆಗೆ

ಉತ್ತರವೇ ಕಾಣದ ಬದುಕಾಗಿದೆ ....

ನಿನ್ನನು ಕಾಣದ ಕಣ್ಣುಗಳು

ರೆಪ್ಪೆಯ ಬಡಿತವನ್ನೇ ಮರೆತಿದೆ ....

ಪ್ರೀತಿಗೆ ಸೋತ ಮನಸು

ನನ್ನನು ನೋಡಿ ಅಣಕಿಸಿದೆ ....    

ಮರೆಯಲು ಹೋದಾಗ

ಮುಂಜಾನೆಯ ಇಬ್ಬನಿಯ ಮುತ್ತಂತೆ

ಮುತ್ತಿನಂತ ನೆನಪುಗಳು ಜಾರಿಹೋದವು

ಯಾರಿಗೂ ಹೇಳದೆ ಹಾರಿಹೋದವು .

ಮುತ್ತಂತ ನೆನಪನ್ನು ಪೊಣಿಸಲು

ಜೀವನದ ಎಳೆಗಳನ್ನು ಬಿಡಿಸಲಾಗಲಿಲ್ಲ 

ಕೊನೆಗೂ ಭದ್ರಗೊಳಿಸಲಾಗಲಿಲ್ಲ .

ಅಕ್ಷರದಲ್ಲಿ ಬರೆಯಲು ಪದಗಳಾಗಲಿಲ್ಲ

ಕಾಗದದ ಮೇಲೆ ಮೂಡಲಿಲ್ಲ

ಉದಯದ ಸಾಲಿಗೆ ಅಸ್ತಮವೇ ತಿಳಿಯಲಿಲ್ಲ .

ಕುಂಚದಲ್ಲಿ ಚಿತ್ರಿಸಲು ಬಣ್ಣಕ್ಕೂ-ಸುಣ್ಣಕ್ಕೂ

ಭೇದ- ಭಾವವೇ ಗೋಚರಿಸಲಿಲ್ಲ

ಅಗೋಚರವಾಗಿಯೂ ಮುಕ್ತವಾಗಲಿಲ್ಲ .

ಮಾತುಗಳಲ್ಲಿ ವರ್ಣಿಸಲು

ಮೌನವೇ ಮಾತನ್ನು ತಿರಸ್ಕರಿಸಿ

ಗೇಲಿ ಮಾಡಲು ಮರೆಯಲಿಲ್ಲ .

ಯಾವುದಕ್ಕೂ ನಿಲುಕದ ನೆನಪು  

ಎದೆಯ ಚಿಪ್ಪಲ್ಲಿ ಕುಳಿತು

ಆಯಾಗಿ ವಿರಮಿಸಿ ಮುತ್ತಾಯೀತು 

ಬದುಕಿಗೆ ರುಚಿಸಲಾಗದ ತುತ್ತಾಯೀತು . 

ಬದುಕಿನ ದಾರಿ

ಬದುಕಿನಲ್ಲಿ ಕಳೆದುಕೊಂಡದನ್ನು

ಕುರುಡ ಬೆಳಕಿನಲ್ಲಿ ಉಡುಕಹೊರೆಟ ,

ನೆನಪನ್ನು ಮರೆಯಲು ಹೋಗಿ

ಅಗಲಿದ್ದನ್ನು ನೆನದು ದುಃಖಪಟ್ಟ , 

ಸ್ನೇಹಿತರೊಡನೆ ಹೇಳಲಾಗದ್ದನ್ನು

ಪ್ರೇಯಸಿಯೊಡನೆ ಹಂಚಿಕೊಂಡು ಕಳೆದುಕೊಂಡ ,

ಜೀವನದಲ್ಲಿ ಎಲ್ಲವನ್ನು ಸಮರ್ಥಿಸಿಕೊಂಡು  

ಬದುಕಿಗೆ ಅರ್ಪಿಸಿಕೊಂಡು

ತನನ್ನು ತಾನೇ ನಿರ್ಮಿಸಿಕೊಂಡ

ತನನ್ನು  ತಾನೇ ನಿರ್ಮಿಸಿಕೊಂಡ .

ಮೌನಕ್ಕೆ ಸೋತವನು

ನಿನಗಾಗಿ ಬರೆಯಲು ಸಾಲುಗಳಿಲ್ಲ ,

ನಿನ್ನ ಬಗ್ಗೆ ಹೇಳಲು ಮಾತುಗಳು ಇಲ್ಲ ,

ಕೆಲವೊಮ್ಮೆ ಮಾತುಗಳು ಸಾಲು-ಸಾಲಾಗಿ ಬಂದಾಗ

ಅದನ್ನು ಕೇಳುವ ತಾಳ್ಮೆ ನಿನಗಿಲ್ಲ .

ನಿನಗಾಗಿ ಚಿಂತಿಸಲು ಸಮಯವಿಲ್ಲ ,

ನಿನ್ನ ಬಗ್ಗೆ ತಿಳಿದುಕೊಳ್ಳಲು ಸಾಧ್ಯವಾಗಲಿಲ್ಲ ,

ಕೆಲವೊಮ್ಮೆ ಸಿಕ್ಕ ಸಮಯದಲ್ಲಿ ಆಲೋಚಿಸಿದಾಗ 

ನನ್ನನೊರೆತು ನಿನ್ನ ಅರ್ಥಮಾಡಿಕೊಂಡವರು

ಬೇರೆ ಯಾರೂ ಇಲ್ಲ .

ನಿನ್ನೊಡನೆ ಮನಬಿಚ್ಚಿ ಮಾತನಾಡಲು ಆಗಲಿಲ್ಲ ,

ನಿನ್ನ ವರ್ತನೆಗಳು ನನಗೆ ತಿಳಿಯಲಿಲ್ಲ ,

ಒಂದು ಕ್ಷಣ ನಿನ್ನ ವರ್ತನೆಗಳನ್ನು ಅರ್ಥಮಾಡಿಕೊಂಡು

ಮೂರು ಮಾತುಗಳಾಡಿದರೆ ನಿನ್ನಿಂದ ದೂರವಾಗುತಿರಲಿಲ್ಲ .