ದ್ವಂದ್ವ

ಹುಟ್ಟಿನ ಮೂಲವೇನು?

ಸಾವಿನ ರಹಸ್ಯವೇನು?

ರಹಸ್ಯದ ಮೂಲವೇ ಹುಟ್ಟು ಸಾವ?

ಎಲ್ಲರೂ ಹುಟ್ಟು ಸಾವನ್ನು ಕಂಡವರೇ

ಆದರೆ ಅದರ ರಹಸ್ಯವನ್ನು ಭೇದಿಸಿದವರು ಯಾರು?

ಭೀಷ್ಮನೆ, ಇಲ್ಲವೇ ಪರುಶುರಾಮನೆ?

ಪರುಶುರಾಮನು ಹುಟ್ಟಿಗೆ ಸೋತವನು,

ಭೀಷ್ಮನೂ ಸಾವಿಗೆ ಶರಣಾದವನು.

ಹುಟ್ಟು ಶಾಪವೇ?

ಸಾವು ಶಾಪವಾಗಿರುವ ವರವೇ?

ನಿನ್ನೆ ಎಂಬುದು ಹುಟ್ಟೇ? ಅಂದಕಾರ ಎಂಬುದು ಸಾವ?

ನಾಳೆ ಎಂಬುದು ಸಾವ? ಬೆಳಕು ಎಂಬುದು ಹುಟ್ಟೇ?

ನಿನ್ನೆ - ನಾಳೆ ನಡುವೆ ಇರುವ ಮನುಜನ ದ್ವಂದ್ವವೇನು?

ಹುಟ್ಟು ಆಸೆಯಲ್ಲಿ ಅಡಗಿದೆಯೇ?

ಇಲ್ಲವೇ ನಿಸರ್ಗದಲ್ಲಿದೆಯೇ?

ಇಲ್ಲ ಸಾವಿನ ಮೂಲವೇ ಹುಟ್ಟಾ?

ಕನಸು ಹುಟ್ಟಿಗೆ ಕಾರಣವಾದರೆ,

ನನಸು ಸಾವಿಗೆ ಮೂಲವಲ್ಲವೇ?

ಹಾಗಾದರೆ ನನಸಾಗದ ಕನಸುಗಳು,

ಮಾನವನ ಬದುಕೇ?

ಬದುಕು ಎಂದರೇನು????